Decleraziun davart la protecziun da datas

Il post responsabel davart la protecziun da datas en il senn da la Lescha federala, en spezial da l’Ordinaziun da basa da la protecziun da datas da l’Uniun europeica (DSGVO), è:
Secretariat AGS
Alexanderstrasse 38
7000 Cuira
Tel. +41 81 252 92 88
E-mail info@bvr.ch

Infurmaziuns generalas

Sa basond sin l’art. 13 da la Constituziun federala svizra e sin las disposiziuns dal dretg davart la protecziun da datas da la Confederaziun (Lescha federala davart la protecziun da datas, LPD) ha mintga persuna il dretg sin protecziun da sia sfera privata sco er il dretg sin protecziun cunter l’abus da sias datas persunalas. Las gestiunarias / ils gestiunaris da questa pagina prendan fitg serius la protecziun da Vossas datas persunalas. Nus tractain las datas che sa refereschan a Vossa persuna en moda confidenziala e confurm a las prescripziuns legalas davart la protecziun da datas sco er confurm a questa decleraziun davart la protecziun da datas.
En collavuraziun cun noss hosting-providers ans stentain nus da proteger uschè bain sco pussaivel las bancas da datas cunter intrusiuns externas, perditas, abus u sfalsificaziuns.
Nus rendain attent al fatg che la segirezza tar la transmissiun da datas en l’internet (p.ex. tar la communicaziun per e-mail) po avair mancanzas da segirezza. I n’è betg pussaivel da realisar ina protecziun da las datas senza foras cunter l’access da terzas persunas.
Cun utilisar questa pagina d’internet declerais Vus d’esser perencletga / perencletg che datas vegnian eruidas, elavuradas ed utilisadas tenor la descripziun suandanta. Questa pagina d’internet po da princip vegnir visitada senza registraziun. En quest connex vegnan arcunadas datas, sco per exempel las paginas consultadas resp. il num da la datoteca consultada, la data e l’ura sin il server per intents statistics, senza che questas datas sa refereschian directamain a Vossa persuna. Datas persunalas, en spezial il num, l’adressa u l’adressa dad e-mail vegnan eruidas sin basa facultativa uschè lunsch che quai è pussaivel. Senza Voss consentiment na vegnan las datas betg transferidas a terzas persunas.

Elavuraziun da datas persunalas

Datas persunalas èn tut las indicaziuns che sa refereschan ad ina tscherta persuna u ad ina persuna identifitgabla. Ina persuna pertutgada è ina persuna, da la quala las datas persunalas vegnan elavuradas. L’elavuraziun cumpiglia mintga tractament da datas persunalas, independentamain dals meds e da las proceduras applitgadas, en spezial il metter en salv, il render enconuschent, il procurar, il stizzar, l’arcunar, il destruir e l’utilisar da datas persunalas.
Nus elavurain datas persunalas en concordanza cun il dretg svizzer davart la protecziun da datas. Dal rest elavurain nus – uschenavant e premess che la DSGVO da la UE è applitgabla – datas persunalas tenor las suandantas basas legalas en connex cun l’art. 6 al. 1 DSGVO:
• Lit. a) elavuraziun da datas persunalas cun il consentiment da la persuna pertutgada.
• Lit. b) elavuraziun da datas persunalas per ademplir in contract cun la persuna pertutgada sco er per realisar las mesiras correspundentas dal contract preliminar.
• Lit. c) elavuraziun da datas persunalas per ademplir in’obligaziun giuridica, che nus stuain ademplir tenor il dretg da la UE eventualmain applitgabel u tenor il dretg eventualmain applitgabel d’in pajais, en il qual la DSGVO è applitgabla dal tuttafatg u per part.
• Lit. d) elavuraziun da datas persunalas per proteger interess d’impurtanza vitala per la persuna pertutgada u per in’autra persuna natirala.
• Lit. f) elavuraziun da datas persunalas per observar ils interess giustifitgads da nus u da terzas persunas, nun che las libertads fundamentalas ed ils dretgs fundamentals sco er ils interess da la persuna pertutgada predomineschian. Interess legitims èn en spezial noss interess per l’economia da manaschi da pudair metter a disposiziun nossa pagina d’internet, la segirezza d’infurmaziun, la realisaziun da las atgnas pretensiuns giuridicas e l’observaziun dal dretg svizzer.
Nus elavurain las datas persunalas per quella perioda ch’è mintgamai necessaria per l’intent respectiv / ils intents respectivs. Sche las datas ston vegnir tegnidas en salv a pli lunga vista pervia d’obligaziuns giuridicas ed autras obligaziuns, a las qualas nus essan suttamess, restrenschain nus l’elavuraziun correspundentamain.

Decleraziun davart la protecziun da datas per cookies

Questa pagina d’internet utilisescha cookies. Quai èn pitschnas datotecas da text che rendan pussaivel d’arcunar sin l’apparat final da l’utilisadra / l’utilisader infurmaziuns che sa refereschan a l’utilisadra / l’utilisader durant ch’ella / el utilisescha la pagina d’internet. Cookies pussibiliteschan d’eruir en spezial, quant ch’ina pagina vegn utilisada e quantas persunas che l’utiliseschan, d’analisar la moda d’utilisar las paginas d’internet, ma er da concepir nossa purschida pli favuraivla als basegns da nossa clientella. Cookies restan arcunads suror la fin d’ina sesida en il browser e pon puspè vegnir clamads si, sche la pagina vegn visitada danovamain. Sche Vus na giavischais betg quai, stuessas Vus endrizzar Voss browser da l’internet uschia ch’el refusa d’acceptar ils cookies.
Ina cuntradicziun generala cunter l’applicaziun dals cookies che vegnan utilisads per far in marketing online po vegnir declerada per in grond dumber dals servetschs, en spezial en cas dal tracking, sur la pagina americana http://www.aboutads.info/choices/ u sur la pagina da la UE http://www.youronlinechoices.com/. Plinavant po l’arcunaziun da cookies vegnir evitada cun bloccar ella en la configuraziun dal browser. Resguardai per plaschair ch’i na pon alura eventualmain betg vegnir utilisadas tut las funcziuns da questa purschida online.

Decleraziun davart la protecziun da datas per la codaziun SSL/TLS

Diese Website nutzt aus Gründen der Sicherheit und zum Schutz der Übertragung vertraulicher Inhalte, wie zum Beispiel der Anfragen, die Sie an uns Per motivs da segirezza e per proteger il transferiment da cuntegns confidenzials, sco per exempel las dumondas, che Vus tramettais a nus sco gestiunaria da la pagina d’internet, utilisescha questa pagina d’internet ina codaziun SSL/TLS. Ina colliaziun codada enconuschais Vus vi da la lingia da l’adressa dal browser che mida da “http://” a “https://” e vi dal simbol d’in marschlos en Vossa lingia dal browser.
Sche la codaziun SSL resp. TLS è activada, na pon las datas che Vus ans transferis betg vegnir legidas da terzas persunas.

Decleraziun davart la protecziun da datas per datotecas da protocol (server-log-files)

Il provider da questa pagina d’internet eruescha ed arcunescha automaticamain infurmaziuns en las datotecas da protocol (ils uschenumnads server-log-files) che Voss browser ans transferescha automaticamain. Quai èn:
• tip e versiun dal browser
• sistem operativ utilisà
• referrer URL
• num da host dal computer accedent
• ura da la dumonda al server
Questas datas na pon betg vegnir attribuidas ad ina tscherta persuna. Questas datas na vegnan betg cumbinadas cun autras funtaunas da datas. Nus ans resalvain da controllar posteriuramain questas datas, sche nus survegnin indizis concrets d’in’utilisaziun illegala.

Decleraziun davart la protecziun da datas per il formular da contact

Sche Vus ans tramettais dumondas cun in formular da contact, vegnan las indicaziuns ch’il formular da contact cuntegna inclusiv las datas da contact che Vus inditgais là arcunadas tar nus per pudair elavurar Vossa dumonda e per il cas da dumondas consecutivas en chaussa. Questas datas na dain nus betg vinavant senza Voss consentiment.

Dretgs da las persunas pertutgadas

Dretg da conferma
Mintga persuna pertutgada ha il dretg da pretender da la gestiunaria / dal gestiunari da la pagina d’internet ina conferma, schebain datas da persunas pertutgadas che sa refereschan a questas persunas vegnan elavuradas. Sche Vus vulais far diever da quest dretg da conferma, As pudais Vus drizzar da tut temp a la persuna incumbensada per la protecziun da datas.

Dretg d’infurmaziun
Mintga persuna, da la quala vegnan elavuradas datas che sa refereschan a sia persuna, ha il dretg da survegnir da la gestiunaria da questa pagina d’internet da tut temp infurmaziuns gratuitas davart las datas persunalas arcunadas ed ina copia da questas infurmaziuns. Plinavant poi eventualmain vegnir infurmà davart las suandantas indicaziuns:
• ils intents da l’elavuraziun
• las categorias da datas persunalas che vegnan elavuradas
• la retschavidra / il retschavider, al qual èn vegnidas mussadas u vegnan anc mussadas las datas che sa refereschan a sia persuna
• sche pussaivel la durada planisada per arcunar las datas persunalas, u, sche quai n’è betg pussaivel, ils criteris per fixar questa durada
• l’existenza d’in dretg da rectificaziun u la stizzada da las datas persunalas che sa refereschan a sia persuna u da restricziun da l’elavuraziun tras la persuna responsabla u d’in dretg d’opposiziun cunter questa elavuraziun
• l’existenza d’in dretg da recurs tar in’autoritad da surveglianza
• sche las datas persunalas na vegnan betg eruidas da la persuna pertutgada: tut las infurmaziuns disponiblas davart l’origin da las datas
Plinavant ha la persuna pertutgada in dretg da survegnir infurmaziuns, schebain datas persunalas èn vegnidas transferidas ad in terz stadi u ad in’organisaziun internaziunala. Sche quai è il cas ha la persuna pertutgada dal rest il dretg, da survegnir infurmaziuns davart las garanzias adattadas en connex cun il transferiment.
Sche Vus vulais far diever da quest dretg da survegnir infurmaziuns, As pudais Vus drizzar da tut temp a nossa persuna incumbensada per la protecziun da datas.

Dretg da rectificaziun
Mintga persuna pertutgada da l’elavuraziun da datas persunalas ha il dretg da pretender che datas persunalas incorrectas che sa refereschan a sia persuna vegnian rectifitgadas immediatamain. Plinavant ha la persuna pertutgada il dretg da pretender – resguardond ils intents da l’elavuraziun – che datas persunalas incumplettas, vegnian cumplettadas, er cun ina decleraziun cumplementara.
Sche Vus vulais far diever da quest dretg da rectificaziun, As pudais Vus drizzar da tut temp a nossa persuna incumbensada per la protecziun da datas.

Dretg da stizzada (dretg da vegnir emblidà)
Mintga persuna ch’è pertutgada da l’elavuraziun da datas persunalas ha il dretg da pretender da la persuna responsabla da questa pagina d’internet che las datas che sa refereschan a sia persuna vegnian stizzadas immediatamain, sch’in dals suandants motivs constat ed uschenavant che l’elavuraziun da las datas n’è betg necessaria:
• Las datas persunalas èn vegnidas eruidas per finamiras u elavuradas en in’autra moda, per las qualas ellas n’èn betg pli necessarias
• La persuna pertutgada revochescha ses consentiment, sin il qual l’elavuraziun sa basa, ed i manca in’autra basa legala per elavurar las datas
• La persuna pertutgada fa per motivs, che resultan da sia situaziun speziala, recurs cunter l’elavuraziun da las datas ed i n’existan nagins motivs giustifitgads precedents per l’elavuraziun, u la persuna pertutgada fa en cas da reclama directa e dal profiling collià cun quai recurs cunter l’elavuraziun
• Las datas persunalas èn vegnidas elavuradas illegalmain
• Las datas persunalas ston vegnir stizzadas per ademplir in’obligaziun giuridica tenor il dretg da la UE u tenor il dretg dals stadis commembers, al qual la persuna responsabla è suttamessa
• Las datas persunalas èn vegnidas eruidas areguard servetschs purschids da la societad d’infurmaziun, ch’èn vegnids fatgs directamain ad in uffant
Sch’in dals motivs menziunads qua survart constat e sche Vus vulais stizzar datas persunalas arcunadas tar la gestiunaria da questa pagina d’internet, pudais Vus As drizzar da tut temp a nossa persuna incumbensada per la protecziun da datas. La persuna incumbensada per la protecziun da datas vegn ad intimar che la pretensiun da stizzar las datas correspundentas vegnia ademplida immediatamain.

Dretg da restrenscher l’elavuraziun
Mintga persuna ch’è pertutgada da l’elavuraziun da datas persunalas ha il dretg da pretender da la persuna responsabla per questa pagina d’internet, che l’elavuraziun da las datas vegnia restrenschida, sch’ina da las suandantas premissas è avant maun:
• La correctadad da las datas persunalas vegn contestada da la persuna pertutgada, e però per ina durada che pussibilitescha a la persuna responsabla da controllar la correctadad da las datas che sa refereschan a quella persuna
• L’elavuraziun è illegala, la persuna pertutgada refusa la stizzada da las datas persunalas e pretenda percunter che l’utilisaziun da las datas persunalas vegnia restrenschida
• La persuna responsabla na dovra las datas persunalas betg pli ditg per intents da l’elavuraziun, la persuna pertutgada las dovra però per far valair, per exequir u per defender pretensiuns legalas
• La persuna pertutgada ha fatg per motivs, che resultan da sia situaziun speziala, recurs cunter l’elavuraziun da las datas ed i n’è anc betg cler, sch’ils motivs giustifitgads da la persuna responsabla predomineschan ils motivs da la persuna pertutgada
Sch’ina da las premissas menziunadas qua survart constat e sche Vus vulais che l’elavuraziun da datas persunalas arcunadas tar la gestiunaria da questa pagina d’internet vegnia restrenschida, pudais Vus As drizzar da tut temp a nossa persuna incumbensada per la protecziun da datas. La persuna incumbensada per la protecziun da datas da questa pagina d’internet vegn ad intimar che l’elavuraziun da las datas respectivas vegnia restrenschida.

Dretg da transferir datas
Mintga persuna pertutgada da l’elavuraziun da datas persunalas ha il dretg da survegnir las datas persunalas che sa refereschan a sia persuna en in format structurà, usità e legibel d’ina maschina. Ultra da quai ha ella il dretg che quellas datas vegnian transferidas ad in’autra persuna responsabla, sche las premissas legalas èn avant maun.
Plinavant ha la persuna pertutgada il dretg d’obtegnair che las datas persunalas vegnian transferidas directamain d’ina persuna responsabla ad in’autra persuna responsabla, sche quai è realisabel tecnicamain e na pregiuditgescha betg ils dretgs e las libertads d’autras persunas.
Per far valair il dretg da transferir datas pudais Vus As drizzar da tut temp a la persuna incumbensada per la protecziun da datas engaschada da la gestiunaria da questa pagina d’internet.

Dretg da far opposiziun
Mintga persuna pertutgada da l’elavuraziun da datas persunalas ha per motivs, che resultan da sia situaziun speziala, il dretg da far da tut temp opposiziun cunter l’elavuraziun da las datas persunalas che sa refereschan a sia persuna.
En cas d’ina opposiziun n’elavura la gestiunaria da questa pagina d’internet betg pli las datas persunalas, nun che nus possian inditgar per l’elavuraziun motivs stringents degns da vegnir protegids, che predomineschan ils interess, ils dretgs e las libertads da la persuna pertutgada, u sche l’elavuraziun serva a far valair, ad exequir u a defender pretensiuns legalas.
Per exequir il dretg da far opposiziun pudais Vus As drizzar directamain a la persuna incumbensada per la protecziun da datas da questa pagina d’internet.

Dretg da revocar in consentiment concernent il dretg davart la protecziun da datas
Mintga persuna pertutgada da l’elavuraziun da datas persunalas ha il dretg da revocar da tut temp in consentiment ch’ella ha dà per l’elavuraziun da datas persunalas.
Sche Vus vulais far valair Voss dretg da revocar in consentiment, pudais Vus As drizzar da tut temp a nossa persuna incumbensada per la protecziun da datas.

Decleraziun davart la protecziun da datas per cuntradir a mails da reclama

A l’utilisaziun da las datas da contact publitgadas en il rom da l’obligaziun d’impressum per transferir reclama e materialias d’infurmaziun betg explicitamain dumandadas, vegni cuntraditg qua tras. Las gestiunarias / ils gestiunaris da las paginas d’internet sa resalvan explicitamain mesiras giuridicas en cas che infurmaziuns da reclama vegnan consegnadas, per exempel tras e-mails da spam, senza esser dumandadas.

Decleraziun davart la protecziun da datas per Google Analytics

Questa pagina d’internet utilisescha Google Analytics, in servetsch d’analisa-web da Google Ireland Limited. Sche la persuna responsabla per l’elavuraziun da datas sin questa pagina d’internet ha sia sedia dador il spazi economic europeic u dador la Svizra, vegn l’elavuraziun da datas da Google Analytics fatga da Google LLC. Google LLC e Google Ireland Limited vegnan numnads «Google» en quai che suonda.
Cun agid da las statisticas elavuradas pudain nus meglierar nossa purschida e concepir ella uschia ch’ella daventa pli interessanta per Vus sco utilisadra / utilisader. Questa pagina d’internet utilisescha Google Analytics en pli per in’analisa da las affluenzas da visitadras / visitaders includent tut ils apparats utilisads, che vegn realisada tras ina ID da l’utilisadra / l’utilisader. Sche Vus avais in conto d’utilisaziun da Google, pudais Vus deactivar en las configuraziuns respectivas sut «Meine Daten», «persönliche Daten» l’analisa da l’utilisaziun da Voss apparat.
La basa giuridica per l’utilisaziun da Google Analytics è l’art. 6 al. 1 frasa 1 lit. f DSGVO. L’adressa IP che Voss browser transmetta en il rom da Google Analytics, na vegn betg cumbinada cun autras datas da Google. Nus rendain attent che Google Analytics è vegnì extendì sin questa pagina d’internet cun il code «_anonymizeIp();» per garantir la registraziun anonimisada d’adressas IP. Qua tras vegnan las adressas IP elavuradas vinavant en ina moda scursanida, uschia ch’i po vegnir exclus ch’ellas vegnian attribuidas a persunas. Sche las datas che Vus avais inditgà permettan in referiment a Vossa persuna, vegn quel pia exclus immediatamain e las datas persunalas vegnan stizzadas cun quai immediatamain.
Mo en cas excepziunals vegn l’adressa IP cumpletta tramessa ad in server da Google en ils Stadis unids da l’America e scursanida là. Per incumbensa da la gestiunaria da questa pagina d’internet vegn Google a duvrar questas infurmaziuns per evaluar Vossa utilisaziun da la pagina d’internet, per far rapports davart las activitads da las paginas d’internet sco er per prestar a la gestiunaria da las paginas ulteriurs servetschs che stattan en connex cun l’utilisaziun da las paginas e cun l’utilisaziun da l’internet. Per ils cas excepziunals, en ils quals datas che sa refereschan a persunas vegnan transferidas en ils Stadis Unids da l’America, è Google sa suttamess al EU-US Privacy Shield https://www.privacyshield.gov/EU-US-Framework.
Google Analytics utilisescha cookies. Las infurmaziuns ch’il cookie generescha davart Vossa utilisaziun da la pagina d’internet vegnan transferidas per regla ad in server da Google en ils Stadis Unids da l’America ed arcunadas là. Cun configurar correspundentamain Voss browser pudais Vus dentant impedir l’arcunaziun da cookies; nus rendain dentant attent che Vus na pudais lura eventualmain betg utilisar plainamain tut las funcziuns da questa pagina d’internet. Ultra da quai pudais Vus impedir che Google registreschia ed elavuria las datas ch’il cookie generescha e che sa refereschan a Vossa utilisaziun da la pagina d’internet (incl. Vossa adressa IP), sche Vus chargiais giu ed installais in plugin per il browser sut il suandant link: deactivar Google Analytics.
Ultra da quai pudais Vus er impedir l’utilisaziun da Google Analytics, sche Vus cliccais sin quest link: deactivar Google Analytics. Cun quai vegn arcunà sin Voss purtader da datas in uschenumnà opt-out-cookie che impedescha che datas persunalas vegnian elavuradas da Google Analytics. Resguardai per plaschair che er quest opt-out-cookie vegn stizzà, sche Vus stizzais tut ils cookies sin Voss apparat final, q.v.d. che Vus stuais activar da nov ils opt-out-cookies sin Voss computer, sche Vus vulais impedir vinavant questa furma d’eruir datas. Ils opt-out-cookies èn tschentads per browser e per computer/apparat final e ston pervia da quai vegnir activads separadamain per mintga browser, computer u auter apparat final.

Dretgs d’autura / d’autur

Ils dretgs d’autura / d’autur e tut ils auters dretgs davart ils cuntegns, ils maletgs, las fotografias u autras datotecas sin la pagina d’internet tutgan exclusivamain a la gestiunaria da questa pagina d’internet ubain a las titularas / als titulars da dretgs menziunads spezialmain. Per la reproducziun da tut las datotecas dovri ordavant l’autorisaziun en scrit da la titulara / dal titular dals dretgs d’autura / d’autur.

Tgi che commetta ina violaziun dal dretg d’autura / d’autur senza il consentiment da la titulara / dal titular dals dretgs respectivs, po sa far chastiabel ed è eventualmain obligada / obligà da star bun per quai.

Exclusiun generala da la responsabladad

Tut las indicaziuns da nossa purschida d’internet èn vegnidas examinadas conscienziusamain. Nus ans stentain da metter a disposiziun nossa purschida d’internet en moda actuala, correcta areguard il cuntegn e cumpletta. Tuttina na pon sbagls betg vegnir exclus cumplettamain. Pervia da quai na pudain nus betg surpigliar la garanzia per la cumplettadad, la correctadad e l’actualitad d’infurmaziuns er dal tip schurnalistic-redacziunal. Pretensiuns da responsabladad pervia da donns materials u ideals chaschunads da l’utilisaziun da las infurmaziuns purschidas èn exclusas, nun ch’i saja cumprovadamain avant maun ina culpa intenziunada u grevamain negligenta.
L’editura po midar u stizzar texts tenor agen giudicat e senza annunzia e n’è betg obligada d’actualisar ils cuntegns da questa pagina d’internet. L’utilisaziun resp. l’access a questa pagina d’internet capita sin agen privel da la visitadra / dal visitader. L’editura, sia incumbensadra / ses incumbensader u sia partenaria / ses partenari n’èn betg responsabels per donns, sco donns directs, indirects, casuals, fixabels concretamain ordavant u consecutivs, ch’èn vegnids chaschunads presumtivamain da la visita da questa pagina d’internet ed els na surpiglian damai nagina responsabladad per quai.
L’editura na surpiglia er nagina responsabladad e nagina garanzia per ils cuntegns e per la disponibladad da paginas d’internet da terzas persunas, cuntanschiblas sur links externs da questas paginas d’internet. Per il cuntegn da las paginas colliadas cun in link èn responsabels exclusivamain lur gestiunarias / gestiunaris. L’editura sa distanziescha cun quai explicitamain da tut ils cuntegns da terzas persunas ch’èn eventualmain relevants tenor il dretg penal ubain il dretg da responsabladad u che cuntrafan a la buna morala.

Midadas

Nus pudain adattar questa decleraziun davart la protecziun da datas da tut temp senza preannunzia. Il vala mintgamai la versiun actuala publitgada sin nossa pagina d’internet. Uschenavant che la decleraziun davart la protecziun da datas è part d’ina cunvegna cun Vus, vegnin nus As infurmar en cas d’ina actualisaziun per e-mail u en in’autra furma adattada davart las midadas.

Dumondas a la persuna incumbensada per la protecziun da datas

Sche Vus avais dumondas areguard la protecziun da datas, ans scrivai per plaschair in e-mail u As drizzai directamain a la persuna responsabla per la protecziun da datas menziunada al cumenzament da la decleraziun davart la protecziun da datas da nossa organisaziun.

Cuira, ils 30-09-2021
Funtauna: SwissAnwalt