Tgi essan nus
L’Associaziun grischuna per il svilup dal territori (AGS) promova in’utilisaziun dal spazi da viver dal Grischun orientada vers il futur ed economica. Nus cussegliain nossas commembras e noss commembers en dumondas da la planisaziun dal territori ed organisain curs da perfecziunament. Nus prendain er posiziun tar projects da lescha ch’èn relevants per il territori ed elavurain agids pratics sco models da relaschs u mussavias.
La vita da las var 200 000 Grischunas e Grischuns ha lieu sin ina part fitg pitschna dal spazi da viver disponibel da 7100 km². Tant pli impurtant èsi pia ch’il spazi vegnia organisà en moda cunvegnenta ed utilisà en moda persistenta.
Downloads
Commembranza
Ina commembranza tar la AGS …
- …pussibilitescha ina collavuraziun activa tar fatschentas ch’èn relevantas per il spazi e tar consultaziuns.
- …permetta da survegnir ina cussegliaziun professiunala da vart neutrala en dumondas materialas da la planisaziun dal territori.
- …pussibilitescha la participaziun a la radunanza dals commembers annuala.
- …cumpiglia er ina commembranza tar EspaceSuisse.
- …autorisescha er da sa participar bunmartgà a las dietas specificas da la AGS e dad EspaceSuisse.
Download
Commembras e commembers èn …
- …vischnancas
- …regiuns
- …persunas singulas
- …instituziuns
- …cuminanzas d’interess
- …interpresas
Radunanzas da las commembras e dals commembers
La radunanza da las commembras e dals commembers ha lieu en moda virtuala.
Downloads
Links
- Lescha federala davart la planisaziun dal territori (LPT)
- Lescha davart la planisaziun dal territori per il chantun Grischun (LPTGR)
- Ordinaziun federala davart la planisaziun dal territori (OPT)
- Ordinaziun davart la planisaziun dal territori per il chantun Grischun (OPTGR)
- Collecziun sistematica dal dretg federal